Kultur kudeaketa eta ondarea
- Aholkularitza globala, proiektuak idaztea, aliantzen bilaketa, finantzaketa, deialdiak, komunikazioa, beste profesional batzuen kontratazioa…
- Ideia onak dituzu baina zalantzaz gainezka zabiltza nola hasi? Edo egingarria ote den egungo egoeran?
- Kudeaketak denbora ederra kentzen dizu sormenerako?
- Talde on bat behar duzu zure zerbitzura, profesional batek gidatuta?
Kultur kudeatzaile bat behar duzu. Besoz beso lan egiten dut zurekin. Zure beharra edo kezka kontatu, eta nik esanen dizut ekarpenik egin ote dezakedan zure proiektuaren ideian, egituran, garapenean eta bilakaeran.
Hasieratik beretik, aliantzen eta finantziazioen bilaketan, zabalkundean, estrategietan, kanpo kontratazioetan, deialdietan…
Nire ezagutza, ideiak eta kontaktuak eskaintzen dizkizut. Zenbaitetan, bide-tarte zehatz batean izanen nauzu lagun, eta bestetan, berriz, proiektuaren hasieratik bukaeraraino egonen naiz zurekin, haren arrakastarako behar dituzun zeregin guztiak barnebilduta.
Ondarearen kudeaketan, izugarri atsegin dut oroimena, oroitzapenak, bizimoldeak, argazkiak… gordetzea, hots, hurrengo belaunaldietarako ondare ederra den guztia. Lan horiek poliki-poliki prestatu behar dira, su motelean, eta emaitzak ederrak eta hunkigarriak dira zinez, bai liburu moldean bai dokumental forman.
Profesional talde batekin lan egiten dut lan espezializatu guztietan: diseinua eta maketazioa, grabazioa eta edizioa, inprenta… Dena zure lana ahalik eta gehien arintzeko, zereginak adituen eskuetan eskuordetuta. Finantzaketaren bilaketa, proiektuaren jasangarritasuna, zabalkundea eta komunikazioa, sare sozialak…; proiektua arrakastaz bukatzeko behar den guztian.
Tailerrak, esku-hartze artistikoak eta sormenezkoak
- Ideia behar al duzu? Elkarrekin irudikatuko dugu.
- Ba duzu ideia eta huraxe gauzatzeko laguntza nahi duzu? Dei iezadazu.
- Zure ideiaz eta lanaz gozatu nahi duzu, baina denboraz estu zabiltza? Zure erritmora egokituko naiz.
Zenbaitetan, kanpoko esku bat behar da ideia berriak eta indarra emateko, edota besterik gabe, lan zama arintzeko, helburuak eta egiteko moldeak partekatuta.
Ezagutzen ditut esku-hartze publikoko zein pribatuko alorrak, eta horiek behar bezalako jakintza eman didate zure aliatua izateko.
Lanak haurrekin, gazteekin, partaidetza-planak, partaidetzan oinarritutako horma-irudiak, jai jardunaldiak antolatzea, etab.
